नागपूर : दिल्ली येथील संसद भवन येथे केंद्रीयमंत्री अमित शहा यांनी डॉ. बाबासाहेब आंबेडकर यांच्याबद्दल वादग्रस्त वक्तव्य केले होते. त्या वक्तव्याचा शिवसेना उद्धव बाळासाहेब ठाकरे पक्षाकडून चांगलाच समाचार घेण्यात आला. “केंद्रिय गृहमंत्री यांच्या मनात जे होतं ते त्यांचं तोंडावर आले आहे, अशी तिखट प्रतिक्रिया आदित्य ठाकरे यांनी दिली आहे.
नागपुर येथे शिवसेना उद्धव बाळासाहेब ठाकरे पक्षाचे आमदार आणि पदाधिकारी दीक्षाभूमी येथे डॉ. बाबासाहेब आंबेडकर यांना अभिवादन करण्यासाठी आले होते. यावेळी देशाचे गृहमंत्री अमित शहा यांनी संसदेत डॉ. बाबासाहेब आंबेडकर यांच्याविषयी केलेले वादग्रस्त वक्तव्य नेत्यांमध्ये चर्चेचा विषय ठरले. या वक्तव्याचा निषेध करत शिवसेना नेते आदित्य ठाकरे यांनी चांगलाच समाचार घेतल्याचे पहायला मिळाले.
काय म्हणाले ठाकरे
आदित्य ठाकरे यांनी गृहमंत्री अमित शहांच्या भाषणावर टीका करताना आदित्य ठाकरे म्हणाले की , “केंद्रिय गृहमंत्री यांच्या मनात जे होतं ते त्यांचं तोंडावर आले आहे. त्यांनी महामानव डॉ. बाबासाहेब आंबेडकर यांचा अपमान केला आहे,”. ठाकरे यांनी यावरून भाजपच्या मानसिकतेवर जोरदार हल्ला करत, आदित्य ठाकरे म्हणाले, भाजपच्या मनात जे आहे, ते गृहमंत्री अमित शहा यांच्या भाषणात व्यक्त झाले आहे,” असा आरोप आदित्य ठाकरे यांनी केला आहे.