पुणे : पुण्यातील भेकराईनगर परिसरात फोनवर बोलत असलेल्या व्यक्तीला वाहतूक पोलीस शिस्त लावत होते. मात्र त्याने पोलीस कर्मचाऱ्यावर दगडाने हल्ला केला होता. त्यात पोलीस कर्मचारी गंभीर जखमी झाले होते. त्यानंतर हल्लेखोर घटनास्थळावरून फरार झाला होता. मात्र आता पोलिसांनी त्याला पकडून त्याने ज्या ठिकाणी हा प्रकार केला होता. तिथूनच त्याची धिंड काढली आहे. धिंड काढताना त्या आरोपीला नीट चालता देखील येत नव्हते. पोलिसांवर हल्ला करताना हजार वेळा विचार करा अशी अद्दल पुणे पोलिसांनी या हल्लेखोराला घडवली आहे.
आरोपी आदिनाथ ऊर्फ बबलू भागवत मसाळ रा. कोलवडी, मुरकुटे वस्ती याला उस्मानाबाद येथून अटक केली असून भेकराई नगर येथून त्याची शनिवारी सायंकाळी धिंड काढण्यात आली.
भेकराईनगर परिसरात गुरुवारी सायंकाळच्या सुमारास गाडीवर फोनवर बोलत असताना मसाळ याला वाहतुक पोलिसांनी हटकले. हटकल्याचा राग आल्याने त्याने पोलीस कर्मचाऱ्यावर हल्ला केला. रस्त्याच्या कडेला पडलेला दगड त्याने पोलिसाच्या डोक्यात घातला. पोलीस हवालदार राजेश गणपत नाईक (वय ४७) गंभीर जखमी झाले होते. पण पोलिसांना मारल्याचे काय परिणाम होतात हे पोलिसांनी त्याची धिंड काढून दाखवून दिले. या घटनेचा व्हिडिओ सोशल मीडियावर व्हायरल झाला होता.
अचानक झालेल्या या हल्ल्यात राजेश नाईक गंभीर जखमी झाले आहेत. अज्ञात दुचाकी चालकाविरोधात फुरसुंगी पोलीस ठाण्यात सरकारी कामात अडथळा आणल्या प्रकरणी गुन्हा दाखल करण्यात आला होता.
त्यानंतर पोलिसांनी आपली सूत्रे हलवत या आरोपीला उस्मानाबाद येथून ताब्यात घेतले. आणि त्याला पॉलिसी खाक्या दाखवत त्याची त्याच परिसरातून धिंड काढली. पुणे पोलीस गुन्हेगारांनविरोधात action मोडवर आल्याचे पाहायला मिळात आहेत. गुन्हेगारीला आळा घालण्यासाठी पोलिसांनी ठोस पाऊले उचलण्यास सुरुवात केली आहे.
Leave a Reply