पुणे : पिंपरी चिंचवड दिवसेंदिवस गुन्हेगारीचे हब बनत चालले असल्याचे पहायाला मिळत आहे. त्यातच चाकण परिसरात असणाऱ्या सावरदरी येथून एका धकादायक प्रकार समोर आला आहे. पत्नीने तिच्या प्रियकराच्या मदतीने पतिवर धार धार हत्याराच्या साहाय्याने सपासप वार करून हत्या करण्याचा प्रयत्न केला आहे. या घटनेत पती थोडक्यात बचावला आहे. या घटनेने एकच खळबळ उडाली आहे.
या प्रकरणी पोलिसांनी पत्नी अंकिता अजयकुमार सिंग आणि तिचा प्रियकर सचिनकुमार उपेंद्र राजभर यांना अटक करण्यात आली आहे. तर पती अजयकुमार सिंग या हल्यात गंभीर जखमी झाला असून त्याच्यावर रुग्णालयात उपचार सुरु आहेत. पतीच्या खुनाचा प्रयत्न केल्याच्या प्राकरात पोलिसांनी या दोघांना अटक केली आहे.
याबाबत मिळालेली अधिक माहिती अशी की, अजयकुमार हे चाकण औद्योगिक वसाहतीत एका कंपनीत कामा करतात. त्यांची पत्नी अंकिता हिचे लग्नाच्या अगोदर पासून सचिन कुमार नावाच्या व्यक्तीशी प्रेमसंबंध होते. हे अजय कुमार यांना माहीत देखील होते. त्यावर त्यांनी पत्नीला त्याच्यासोबत बोलू नको असे देखील सांगितले होते. मात्र, रविवारी रात्री सगळे झोपल्यानंतर मध्यरात्री कुणीतरी बोलत असल्याच्या आवाजाने अजयकुमार याला जाग आली. जेव्हा त्यांनी त्यांच्या रूममध्ये जाऊन पाहिले तर सचिनकुमार आल्याचे त्यांना दिसले. अजय कुमार अचानक समोर आल्याने दोघे थोडे कावरे बावरे झाले. अजयकुमार यांनी त्याला इथे का आल्याचा जाब विचारला. त्यावर अजयकुमार यांची पत्नी अंकिता आणि तिचा प्रियकर सचिनकुमार यांनी अजयकुमार यांना मारहाण करण्यास सुरवात केली. त्यानंतर धारधार भाजी कापण्याचा चाकू आणत त्यांच्या छातीवर, पोटावर सपासप वार केले. त्यांना जीवे मारण्याचा प्रयत्न केला. त्यावर अजयकुमार येणार सीताफीने त्यांच्या तावडीतून सुटका करून घेत घराबाहेर पडले. त्यांच्या आवजाने शेजारचे लोक बाहेर आले. त्यांनी अजयकुमार यांची अवस्था पाहून त्याच्या रूमला बाहेरून कडी लावली. त्यानंतर पोलिसना बोलावून अंकिता आणि साचीन यांना ताब्यात दिले. पतीच्या खुनाचा प्रयत्न केल्या प्रकरणी पोलीसांनी पत्नी आणि तिच्या प्रियकराला अटक केली आहे.
Leave a Reply